Çfarë mendojnë qytetarët ukrainas për luftën?

Banorët në fshatin bregdetar të Mariupol shijuan një pasdite të ngrohtë në plazh, ndërsa në anën tjetër liderët separatistë në Ukrainën lindore urdhëruan një mobilizim të plotë ushtarak.

Fermerët në fshatrat pranë kufirit me rajonin separatist vazhduan të  rregullonin makineritë e tyre edhe pasi dëgjuan shpërthime në distancë.

“Çfarë duhet të bëjnë? Ata duhet të ulen dhe të flasin si njerëzit. Sa e vështirë është? Unë kam të afërm atje gruaja ime ka të afërm në Lviv. A duhet të luftojmë, a duhet të ndahemi? Kjo nuk është  lufta jonë, kjo është lufta e tyre dhe ne jemi ata që vuajmë”, thotë Vladimiri, banor vendas.

Pas shtimit të tensioneve  ditët e fundit  midis forcave ukrainase dhe rebelëve pro-rusë qytetarët në Kiev kanë ende shpresa se tensionet në Ukrainën lindore nuk do të përshkallëzohen më tej

“Ne përpiqemi të qëndrojmë të qetë dhe të mos futemi në panik. Por sigurisht që jemi të shqetësuar për familjet dhe të afërmit tanë që qëndruan në qytetin tonë të lindjes, Kharkiv. Shpresojmë që situata të përmirësohet dhe të bëhet më e mirë se sa është tani, më e qetë”, tha Alona, specialiste e IT-së.

“Unë mendoj se është propagandë e krijuar artificialisht. Ne jemi për paqen në të gjithë botën”, thotë Victoria.

Në kryeqytet është zhvilluar  edhe një trajnim mbijetese për vajzat. Gjatë provave , gratë u mësuan se si të mbroheshin më së miri në rast të një përshkallëzimi të madh.

LEXONI GJITHASHTU: 

• 1500 shkelje të armëpushimit në Ukrainë, Macron bisedon sërish me Putin
• Harris: Nëse Rusia pushton Ukrainën do forcojmë aleatët tanë në lindje