‘Çfarë pazari keni bërë?’, Alibeaj i revoltuar ndaj qeverisë për Portin Durrësit

Seanca plenare në Kuvend ditën e sotme është shoqëruar me debate mes deputetit Enkelejd Alibeaj dhe kreut të Grupit Parlamentar të PS Taulant Balla, ku shkak është bërë ligji për Portin e Durrësit.

Alibeaj nga foltorja i revoltuar i është drejtuar qeverisë duke i thënë se po shisni zemrën e Shqipërisë ndërkohë se nuk dihet se sa fiton vendi ynë nga ky projekt dhe se me kë është negociuar.

“Pa pritur e pa kujtuar sillnin ligjin për Portin e Durrësit. Ta them unë se cila është aryseja financiare, politike se përse të shtyn ty dhe ju të gjithëv  për të ecur shpejtë. Ky është një projektligj që ka 5 nene bashkë me hyrjen në fuqi. Ky është ligji që kushton më shumë nga ligjet që ka miratuar parlamenti në këto 30 vite. Kushton 2 miliardë e 100 milionë euro. Kjo është kostoja e këtij projektligi. 400 milionë një nen dhe ju doni ta kaloni me procedurë të përshpejtuar? Ju jeni duke prerë shiritin e një afere ekonomike që mund të kthehet në aferë korruptive shumë shpejtë. Midis kujt negociohet? Sa është dhënë dhe sa është marrë? Sa është territori i Shqipërisë që po shisni? Jeni duke shitur 1 milionë metra katrorë nga zemra e Shqipërisë. Është një shumë që do të mbyllë gojën e deputetëve, mediave dhe analistëve por gojën e deputetëve  të opozitës s’keni për ta mbyllur kurrë. Çfarë pazari keni bërë?”- tha ai.

LEXONI GJITHASHTU: 

• Rama për projektligjin për Portin e Durrësit: S’kemi kohë për të humbur
• Kuvendi miraton procedurën e përshpejtuar për Portin e Durrësit