Rama për projektligjin për Portin e Durrësit: S’kemi kohë për të humbur

“Sepse keshtu mendojme ne, sepse ne nuk kemi kohë për të humbur. Kemi më shumë se një vit që negociojmë”.

Kështu deklaroi gjatë fjalës së tij në Kuvend, kryeministri Edi Rama për kalimin me procedurë të përshpejtuar të projektligjit për Portin e Durrësit.

Me 62 vota pro dhe 20 kundër, është miratohet kërkesa e qeverisë për të kaluar me procedurë të pershpejtuar një projektligj për Portin e Durrësit. Kalimi me procedurë të përshpejtuar, u kundërshtua nga opozita.

Ndërkohë në Kuvend debatet vijojnë mes kryeministrit Edi Rama dhe deputetëve të opozitës.

Rama shprehet opozita është paguar me para ruse për të rrëzuar qeverinë.

“Ju jeni ca të mbaruar, të pafytyrë, jeni ca njerëz që nuk keni as fe, as atdhe, as iman sepse çoheni këtu në pikë të sabahut, merrni nëpër gojë dhe akuzoni për pazar një personalitet dhe një kompani nga më të mëdhatë e botës. Po të kishit ju fytyrë, fe dhe atdhem, nuk i bënit Shqipërisë atë që i keni bërë. Jeni paguar me para ruse për të rrëzuar qeverinë e vendit. Më thoni arsyen pse paratë ruse duheshin derdhur në Shqipëri për të rrëzuar qeverinë e vendit tuaj”, theksoi ai.

LEXONI GJITHASHTU:

• Kuvendi miraton procedurën e përshpejtuar për Portin e Durrësit