Çfarë tregojnë sondazhet për zgjedhjet në Gjermani

Që nga rënia e koalicionit qeverisës në Gjermani, vendi po shkon drejt zgjedhjeve me një terren politik të fragmentarizuar.

Ecuria e bisedimeve mes partive po ndryshon vazhdimisht, pasi mbështetja për koalicionin e kancelarit Scholz po bie. Sondazhet tregojnë një udhëheqje të grupimit CDU/CSU, që dominon në preferencat e votuesve.

E djathta ekstreme AfD, që renditet e dyta në radhët e opozitës, vijon të tërheqë elektorat me Alis Vajdel si kandidate për kancelarë. Sidoqoftë, AfD mbetet e izoluar, me partitë kryesore që e refuzojnë koalicionin me të.

Nga e majta, partia e sapoformuar e Sara Vagenkneht, BSË, po tërheq të pakënaqurit, duke e ndarë më tej skenën politike.

Zëvendës kancelari Robert Habek i është bashkuar garës për kancelar, por të Gjelbrit po luftojnë për mbijetesë pas rënies së koalicionit. Dhe teksa zgjedhjet afrojnë, asnjë parti nuk i afrohet mazhorancës absolute.

Sondazhet sugjerojnë se grupimi CDU/CSU është më favoriti për të drejtuar një koalicion, ndoshta me të Gjelbrit ose social-demokratët, teksa Demokratët e Lirë rrezikojnë të bien nën pragun 5 për qind për të hyrë në Bundestag.

Sistemi proporcional i Gjermanisë mundëson zhvillimin e negociatave të gjata për formimin e një qeverie të qëndrueshme.

Pakënaqësia e votuesve ndaj koalicionit aktual është thelluar për shkak të sfidave ekonomike dhe sociale.

LEXONI GJITHASHTU:

• I dyshuari për sulmin në Gjermani përballet me 5 akuza për vrasje
• Presidenti gjerman shpërndan parlamentin