Champions League, short i favorshëm për Tiranën, shmangen Makabi, Astana dhe Qarabag

Në raundin e parë kualifikues për sezonin 2020-2021 të UEFA Champions League Tirana do të ndeshet me kampionët e Gjeorgjisë, Dinamo Tbilisi.

Shorti i hedhur të dielën në Nion të Zvicrës është treguar bujar me kampionët e Shqipërisë, pasi u ka vënë përballë kundërshtarin më të lehtë të mundshëm, duke shmangur ndeshjen me izraelitët e Makabi Tel Aviv, kazakët e Astanës apo azerët e Qarabag.

Bardheblutë kanë shanse reale për të vijuar më tej në raundin e dytë, pasi Dinamo Tbilis konsiderohen si një rivali i kalueshëm, edhe pse gjeorgjianët mund të favorizohen nga faktori fushë, sepse ndeshja do të zhvillohet në Tblilis pas 10 ditësh.

Kualifikimi për më tej do të shtonte ndjeshëm të ardhurat e klubit kryeqytetas, por dhe aventurën europiane.

Megjithatë, edhe në rast eliminimi nga turi i parë kualifikues i Champions League, aventura e Tiranës do të vazhdonte në turin e dytë të eliminator për në Europa League.

Në anën tjetër Drita, kampionia e Kosovës, do të ndeshet me Legian e Varshavës, në rast se arrin të kalojë raundin paraeliminator.

Lexoni gjithashtu:

Çerekfinalet e Champions League, spikat Barcelona-Bayern, Manchester City ”peshkon” Lyonin

Pirlo trajner i Juventusit

Juventus dhe Real Madrid skualifikohen nga “Champions League”