Charterat e Ramës ‘alarmojnë’ Berishën: Do ngremë komision hetimor

137 udhëtimet e kryeministrit Edi Rama të publikuara nga hakerat iranianë ishin një motiv më shumë për Sali Berishën që t’i kërkonte kundërshtarit të tij politik dorëheqjen.

Gjatë konferencës së përjavshme me gazetarët kryedemorkati tha se janë shpenzuar 22 milionë euro për këto udhëtime për të cilat Rama duhet të japë llogari.

Akuzat se kryeministri Rama ka abuzuar me shpenzimet për fluturime jashtë vendit, Berisha nuk do t’i lërë vetëm në kuadër deklarativ, por paralajmëroi se do të ngrihet një komision hetimor për këtë çështje.

Janë pikërisht këto abuzime që sipas Sali Berishës duhet t’i bashkojnë qytetarët në protestën e 12 nëntorit si një revolt qytetare kundër keqqeverisjes së Edi Ramës. 

LEXONI GJITHASHTU:

• Rama publikon shifrat: Sa kam shpenzuar unë në krahasim me Berishën për udhëtimet
• Berisha-Erdoganit: Puna që bën për pushtetin e Ramës, kundër interesave shqiptare
• Rama: Nuk e rriti qeveria çmimin e energjisë, por ERE