“Çifti i çuditshëm” në Elbasan, komedia e Neil Simon shfaqet në teatrin “Skampa”

Komedia “Çifti i çuditshëm” është shfaqur për herë të parë në Elbasan. Interesi i publikut ka bërë që aktorët të japin shfaqen edhe gjatë fundjavës së ardhshme.

Komedia sjell një manual për të gjitha marrëdhëniet në çift nëpërmjet batutave dhe humorit duke përfshirë edhe skutat më të fshehta të këtyre marrëdhënieve.

Për regjisorin e kësaj premiere Aldi Hysotoçi, shfaqja e fitoi përballjen e parë me publikun elbasanas që mbushi plot sallën e teatrit.

Premiera e “Çiftit të çuditshëm” solli për herë të parë në skenën e teatrit “Skampa” aktorin Aleks Seitaj, i cili nuk fshehu dot emocionet dhe kënaqësinë që i dhuroi mikpritja e spektatorit në Elbasan. U rikthye serish në skenën e teatrit “Skampa” edhe aktori Genci Fuga.

Organizatorët kanë vendosur që ta rikthejnë shfaqjen edhe fundjavën e ardhshme.

LEXONI GJITHASHTU:

• Tolka: Aktorët që i kanë bërë ‘furça’ pushtetit, vijuan punën në teatër
• Dy vite pa Teatër Kombëtar, premtimet e qeverisë kanë mbetur vetëm projekt