Çiklizëm në ditën pa makina, gara në Korçë vështirësohet nga era

Në ditën ndërkombëtare pa makina në qytetin e Korçës është organizuar gara e çiklistëve, me pjesëmarrës nga gjithë Shqipëria.

Çiklistët ndoqën intinerarin Korçë – Zëmblak – Zvezdë – Rrëmbec – Drithas për t’u kthyer përsëri në qytet.

Një garë e vështirë për shkak edhe të erës, ku shkëputja finale u krye në kilometrat e fundit.

Fituesit e kategorive Elite, Junior dhe Kadet tregojnë emocionet pas fitores së garës.

Olsian Veliaj u shpall fitues në Elitë, Mateo Balaj, fitues në Junior dhe Mikail Pali, fitues në Kadet.

Për presidentin e Federatës Shqiptare të Çiklizmit, sporti i biçikletës është duke u përqafuar nga të rinjtë, por kërkohet më tepër vëmendje nga institucionet, edhe pse situata ka ndryshuar nga më parë.

LEXONI GJITHASHTU:

• Përfshihet nga flakët tarraca e një godine në Korçë
• Ylber Sefa fituesi i etapës së parë në turin e çiklizmit në Shqipëri
• Korçarët vigjilentë për datat e skadencës, kritikojnë institucionet për neglizhencë