Nëse premton që do të investosh 5 milionë euro dhe do të punësosh mbi 80 persona në fushën e turizmit, ti mund të quhesh investitor strategjik.
Përveç turizmit, sektorët ku mund të marrësh statusin e investitorit strategjik për të investuar janë energjia e sektori minerar, infrastruktura, bujqësia dhe zonat teknologjike e zhvillimit ekonomik.
Interesi më i madh i biznesmenëve është turizmi, me fokus të veçantë bregdeti.
Nëse marrin statusin, shteti i garanton biznesmenëve dhënien e tokës, rrugët, kanalizimet, furnizimin me ujë dhe energji elektrike.
Në raste të veçanta, shteti merr përsipër të shpronësojë prona private për të mundësuar realizimin e projektit.
Këtyre investitorëve pas ndërtimit të komplekseve turistike u lejohet të përdorin brigjet e detit dhe plazhin deri në 30 vite.
Shumica e investitorëve strategjikë e kanë përdorur këtë ligj për ndërtuar vila, të cilat nuk i sjellin asnjë zhvillim turizmit. Ato shiten dhe të gjitha fitimet shkojnë tek kompanitë.
LEXONI GJITHASHTU: