Cilat janë shtetet që votuan kundër kërkesës së anëtarësimit të Kosovës në KiE

Komiteti Ministror i Këshillit të Evropës, miratoi të hënën kërkesën për anëtarësimin e Kosovës në Këshillin e Europës.

33 shtete votuan pro për kërkesën e Kosovës të depozituar rreth një vit më parë.

Ndërkohë që Greqia, Sllovakia,Ukraina, Moldavia dhe Bosnjë Hercegovina abstenuan.

Armenia nuk mori pjese ne votim

Sakaq që Serbia , Azerbajxhani, Qipro, Gjeorgjia, Hungaria, Spanja, Rumania votuan kundër.

Në një njoftim thuhet se vendimi mori parasysh marrëveshjen e Brukselit të 27 shkurtit 2023 dhe marrëveshjen e Ohrit të 18 marsit 2023 të arritura në dialogun (Kosovë – Serbi) e ndërmjetësuar nga Bashkimi Evropian dhe rëndësinë që të gjitha palët t’i zbatojnë ato në mënyrë të përshtatshme dhe në mirëbesim.

Kërkesa tani i kalon Asamblesë Parlamentare të Këshillit të Evropës, që do të diskutojë mbështetur në analizat dhe njoftimet e raportuesve të Këshillit të Evropës, para se ta hedh kërkesën për votim në seancën plenare të Asamblesë Parlamentare. Nëse kërkesa mbështetet nga dy të tretat e vendeve anëtare atëherë i rekomandohet Komitetit të Ministrave që t’i bëjë ftesë Kosovës të bëhet anëtare e organizatës. Debatet për këtë çështja mund të shtohen në njërën nga seancat e radhës të Asamblesë Parlamentare, në muajin qershor apo muajin tetor të këtij viti.

Presidentja e Kosovës Vjosa Osmani, falënderoi aleatët që votuan në mbështetje të Kosovës ”por mbi të gjitha për demokracinë, lirinë dhe të drejtat e njeriut” shkruan ajo. Ndërsa në një tjetër reagim Osmani tha se në më pak se 24-orë Serbia ka bërë dy shkelje të Marrëveshjes së Brukselit/Ohrit:

1. Ndërhyrja e huaj në zgjedhje (në kundërshtim me nenin 2).
2. Lobimi dhe votimi kundër aplikimit të KiE (në kundërshtim me nenin 4)

Marrëveshja e re, por e njëjta Serbi e vjetër.