Siç është tradita diplomatike, të gjithë liderët botërorë dërguan mesazhe urimi për rikthimin e Donald Trump në Shtëpinë e Bardhë.

Por cilët janë disa nga miqtë e tij më të ngushtë që kanë shprehur mbështetje të vazhdueshme.

• Benjamin Netanyahu

Kryeministri i Izraelit e cilësoi fitoren e Trump si “kthimin më të madh në historinë e politikës”.

Trump u “zhgënjye” nga kjo miqësi kur Netanyahu uroi fitoren e Biden në 2020, por ai theksoi se ata kanë “një marrëdhënie shumë të mirë”.

• Viktor Orbán

Kryeministri i Hungarisë e cilësoi triumfin e Trump në zgjedhje si “një fitore shumë të nevojshme për mbarë botën!”

Në fillim të këtij muaji, Orbán tha se kishte gati shishet e shampanjës për të festuar rikthimin e Trump.

“Ne do të hapim disa shishe shampanjë nëse Trump kthehet”, tha ai.

Trump më herët e përshkroi Orbanin si “një nga njerëzit më të respektuar” në botë.

• Giorgia Meloni, kryeministre e Italisë

“Punën e mirë, zoti President”- Meloni i telefonoi Trump të mërkurën mbrëma për ta uruar atë dhe për të konfirmuar “miqësinë e tyre të thellë dhe historike”.

• Javier Milei, Presidenti i Argjentinës:

“Mund të mbështeteni te Argjentina për ta bërë Amerikën të madhe përsëri”, ky ishte mesazhi i Mileit për Trump.

Duke folur për Milein në një tubim në mars, Trump tha: “Ai është një mbështetës i madh pro-Trump. Unë e dua atë, sepse ai e do Trump.”

LEXONI GJITHASHTU:

• I pari President i dënuar, çfarë do të ndodhë tani me hetimet penale ndaj Trump
• Cilët janë emrat që mund të marrin postet më të rëndësishme në administratën Trump