Cirku Kombëtar rikthen shfaqjet në Gjirokastër

Trupa e Cirkut Kombëtar riktheu traditën e shfaqjeve në Gjirokastër, duke ofruar një performancë me akrobatë, zhonglerë dhe kllounë që entuziazmuan publikun, veçanërisht fëmijët.

Ejbi Demollari, artiste cirku, tha:
“Fëmijët ishin të lumtur dhe të habitur, pasi për shumë prej tyre ishte hera e parë që ndjekin cirkun. Shfaqja mund të përhapet edhe në qytete të tjera për të zhvilluar talentet lokale.”

Shfaqja solli duartrokitje dhe reagime pozitive, ndërsa qytetarët vlerësuan numrat e veçantë dhe performancën e artistëve profesionistë.