Çmimet 50% më lirë, italianët zgjedhin Shqipërinë për turizmin dentar

Në Shqipëri ndër të tjera, po lulëzon edhe turizmi dentar. Shumë të huaj, kryesisht nga vendet fqinje, por edhe nga ato nordike, zgjedhin Shqipërinë si destinacionin më ekonomik për kontrollet orale dhe çdo trajtim tjetër të shëndetit të gojës.

Dentisti Yrgen Agastra tregon për mikrofonin e Euronews Albania sa për qind e klientelës së tij janë shtetas të huaj dhe ndërkohë liston llojet e trajtimeve orale që ata kërkojnë në klinikën e tij.

Nga vitit në vit, po ulet mosha e të huajve, kryesisht italianë që vijnë në Shqipëri për trajtimet estetike të gojës, ndërkohë që e shfrytëzojnë udhëtimin në vendin tonë për të parë jo vetëm Tiranën, por edhe qytetet e tjera si atraksione turistike.

Po sa për qind më lirë kushtojnë implantet dentare dhe trajtimet e tjera në vendin tonë që gjithmonë  e më shumë po tërhiqen nga shërbimi i klinikave dentare në vendin tonë?

Paketat turistike që shumë klinika zgjedhin të bëjnë për të huajt në shumë raste përfshijnë biletën e fluturimit, rezervimin e hotelit, vizita në disa atraksione turistike dhe guidën shqiptare.

Në vendin tonë operojnë 1300 klinika dentare, 30% prej të cilave në Tiranë me 1200 dentistë, duke u krijuar kështu shumë shtetasve të huaj mundësi zgjedhjeje për këtë shërbim të shëndetit të gojës.

LEXONI GJITHASHTU:

• Koçiu: Buxheti 2024, ofron kujdes dentar dhe depistim të shikimit për 220 fëmijë
• Shërbimi dentar privat në Shqipëri, i lirë për të huajt i shtrenjtë për shqiptarët