“Çmimi i energjisë nuk është rritur”, Balluku: S’është vendosur fasha 800 kw

Zv-kryeministrja Belinda Balluku dhe njëherazi ministre e Infrastrukturës dhe Energjisë mohoi të jetë rritur çmimi i energjisë elektrike dhe të jetë vendosur fasha mbi 800 kë.

Mes debateve në Komisionin e Veprimtarisë Prodhuese ku diskutohej buxheti i vitit 2023, Balluku tha se rritja e çmimit të energjisë do të varet nga kushtet atmosferike, ndërsa qeveria do të presë ecurinë deri në datë 7.

“Çmimi i energjisë nuk është rritur. Uroj që çmimi i energjisë mos të rritet, por këto janë punët e Zotit! Jo nuk ja kemi lënë Zotit, po do intensitet kapital infrastruktura e energjisë dhe do kohë. 4% e konsumatorëve, kalojnë 800 kilovat. Në muajin me konsumin më të lartë të vitit kemi 58 mijë familje. Fashat janë vendosur kudo. Nëse do të ketë reshje shiu. E kemi lënë të hapur për ta parë deri në datën 7 nëse do kemi prurje. Do të jetë fat nëse nuk do ta vendosim atë fashë. Fakt është që konsumi ka rënë ndjeshëm”, u shpreh ajo.

Tonet u ngritën dhe ashpërsuan kur erdhi fjala tek fluturimet e kryeministrit Rama të publikuara nga hakerat iranianë.

Ministrja Balluku u ndal edhe tek investimet në infrastrukturë duke deklaruar se në fillim të 2023-shit do të hapet gara për koncensionin e rrugës Milot-Balldren.

LEXONI GJITHASHTU:

• Paratë e Berlinit, Shqipëria e fundit për tërheqjen e financimeve për investime
• Hakerat shënjestrojnë SHISH, zbulohen emrat dhe pozicionet e 400 punonjësve
• 3 njësitë speciale të SHISH, çfarë zbuluan hakerat iranianë