Cristiano Ronaldo përballet me një padi prej 1 mld dollarësh për reklamat e kriptove

Futbollisti Cristiano Ronaldo po përballet me një padi kolektive në SHBA për promovimin e tij të Binance, shkëmbimit më të madh të kriptomonedhave në botë.

Paditësit pretendojnë se reklama e tij i shtyu ata të bënin investime me humbje.

Ata po kërkojnë dëmshpërblim prej “një shume që tejkalon” 1 miliard dollarë.

Në nëntor 2022, Binance njoftoi koleksionin e tij të parë “CR7” të kriptomonedhave jo të këmbyeshëm (NFT) në partneritet me Ronaldon, për të cilin futbollisti tha se do t’i shpërblente fansat “për të gjitha vitet e mbështetjes”.

NFT-të janë asete virtuale që mund të blihen dhe shiten, por që nuk kanë formën e tyre të botës reale – me fjalë të tjera ato ekzistojnë vetëm në mënyrë dixhitale. Në përgjithësi, ato përdoren për të shënuar pronësinë e diçkaje, si p.sh. një fotografi ose video në internet.

“CR7” i referohet inicialeve dhe numrit të fanelës së Ronaldos, dhe përdoret si markë në një sërë produktesh, nga këpucët deri te aroma, që e kanë ndihmuar atë të bëhet një nga atletët më të pasur në tokë.

Në një video të mediave sociale duke njoftuar partneritetin, Ronaldo u tha investitorëve të mundshëm “ne do të ndryshojmë lojën NFT dhe do ta çojmë futbollin në nivelin tjetër”.

LEXONI GJITHASHTU:

• Ronaldo rrezikon 99 goditje me kamxhik nëse kthehet në Iran, shkak një puthje
• VIDEO| Pritje e pazakontë për Ronaldon në Iran, fansat mësyjnë brenda në hotel