‘Çunat e mirë të Londrës’ në Euronews, Omeri: Shqiptarët gërmojnë për suksesin

Gazetari shqiptar në Londër, Ardi Omeri thotë se shqiptarët janë njerëz që punojnë dhe gërmojnë për suksesin e tyre në Britaninë e Madhe.

Në emisionin “Review” në Euronews Albania, Omeri, duke folur nga Londra, ku së bashku me të gjendeshin edhe disa shqiptarë të tjerë, u shpreh se jo të gjithë shqiptarët punojnë në shtëpi bari, apo merren me aktivitete të paligjshme.

“Unë desha, së pari të nënvizoja atë që shqiptarët nuk janë jashtëqitja e kombit, janë ata që punojnë edhe kur nuk i ofrohet asnjë ndihmë. Gërmojnë dhe kërkojnë me çdo kusht suksesin e tyre. Suksesi i tyre nuk është ai që del në gazeta përditë, është ai i përditëshmi që prekin me dorë qytetarët londinezë.

Jam në një lokal, pronari është indian, është i lumtur që ka shqiptarë. Ka të tjerë plot. Nuk është e vërtetë që punojnë në shtëpi bari vetëm shqiptarët, punojnë çdo lloj kombësie. Një djalë që punon në shtëpi bari, një herë në tre muaj merr 10 mijë paund. E di sa merr një punëtor në ndërtim? 15-16 mijë”, theksoi ai.