Daçiç: Hungaria do të votojë kundër pranimit të Kosovës në Këshillin e Evropës

Ministri i Jashtëm i Serbisë, Ivica Daçiç deklaroi nga Budapesti, se Hungaria do të votojë kundër pranimit të Kosovës në disa organizata ndërkombëtare evropiane, si Këshilli i Evropës dhe BE-ja.

Pas takimit qëzhvilloi me kryeministrin hungarez Viktor Orban dhe ministrin e Punëve të Jashtme, Peter Szijarto, Daçiç pohoi se ata konfirmuan këtë qëndrim disa herë, shkruan Euronews Serbia.

Sipas Daçiçit, Orbani është veçanërisht i interesuar për qëndrimin e kryeministrit të Kosovës, Albin Kurti, për ecurinë e dialogut ndërmjet Beogradit dhe Prishtinës.

Ai më pyeti nëse Kurti ka ndonjë ide për ndonjë marrëveshje apo nëse vazhdimisht përpiqet të minojë ndonjë marrëveshje me disa incidente”, theksoi kryediplomati serb.