Daçiç: Kurti është shkaktari kryesor i problemeve në Kosovë

Ministri i Punëve të Jashtme të Serbisë, Ivica Daçiç  tha se e gjithë bashkësia ndërkombëtare, me përjashtim të Gjermanisë, e ka të qartë se kryeministri i Kosovës, Albin Kurti është shkaktari kryesor i të gjitha problemeve në Veri dhe në marrëdhëniet me Beogradin.

“Nëse nuk llogarisim Gjermaninë, mendoj se gjithçka është e qartë për të gjithë të tjerët”. Edhe sikur ta shihte Gjermania me sytë e saj, nuk do ta besonte. Bëhet fjalë për klishenë që Gjermania ka ndaj rajonit tonë”, theksoi Daçiç për televizionin B92.

Daçiç u shpreh se shefja e diplomacisë gjermane, Analena Berbok, i ka thënë në një bisedë se asnjë kryeministër i Kosovës nuk do ta formojë Unionin e Komunave Serbe dhe se nuk ka marrë përgjigje në pyetjen se si është e mundur kjo, duke pasur parasysh marrëveshjen e Brukselit.

Ai deklaroi se Beogradi “vazhdimisht shuan disa zjarre të shkaktuara nga Kurti” dhe shtoi se shkalla e mosbesimit ndaj tij është e madhe.

LEXONI GJITHASHTU

• Osmani takon Hovenierin, diskutime për zhvillimet e fundit në Kosovë