Daçiç: SHBA-BE nuk po e detyrojnë Kurtin për formimin e Asosacionit

Zëvendëskryeministri dhe ministri i Punëve të Jashtme i Serbisë, Ivica Daçiç deklaroi se BE-ja, me nënshkrimin e saj në Marrëveshjen e Brukselit është garanci për formimin e Asosacioni të Komunave me shumicë Serbe.

Megjithatë, sipas tij, po bëhen përpjekje për ta rihapur atë temë që deri më tani po konsiderohej e mbyllur, shkruan Euronews Serbia.

Diplomati serb u shpreh se Shtetet e Bashkuara të Amerikës dhe Bashkimi Evropian, nuk po e detyrojnë kryeministrin e Kosovës, Albin Kurti për formimin e Asosacionit.

“Është e papranueshme për Beogradin që po i kthehemi diçkaje që është nënshkruar dhe kontraktuar vetëm sepse Brukseli dhe SHBA-ja hezitojnë që ta detyrojnë kryeministrin e institucioneve të përkohshme të Prishtinës, Albin Kurti, ta përmbushë obligimin.

Beogradi nuk do të bjerë në atë kurth dhe as nuk do të pajtohet që beteja për supremaci mes Brukselit, Parisit, Berlinit dhe Uashingtonit të zhvillohet pas shpinës tonë”, tha Daçiç.

LEXONI GJITHASHTU

• Vuçiç: Pas 21 nëntorit, na pret një situatë e ndërlikuar në Kosovë
• Analistët në Kosovë: Zgjedhjet në veri, të pamundura pa serbët

• Haziri: LDK nuk kërkon zgjidhje politike, por Kurti të arrijë marrëveshje me Serbinë