Danimarka miraton marrëveshjen për dërgimin e 300 të burgosurve në Kosovë

Autoritetet në Kopenhagë kanë njoftuar se është miratuar një marrëveshje për dërgimin e 300 të burgosurve nga Danimarka në Kosovë për 15 milionë euro në vit, raporton Euronews.

Masa synon të lehtësojë mbipopullimin në burgjet daneze, të cilat janë të tejmbushur.

“Ne kemi nënshkruar një marrëveshje inovative që do të sigurojë kapacitet më të mirë në burgjet tona të mbipopulluara dhe do të lehtësojë presionin mbi oficerët tanë të burgjeve”, tha në një deklaratë ministri i Drejtësisë, Nick Haekkerup.

Të burgosurit që do të dërgohen në Kosovë janë të burgosur të huaj të cilët do të deportohen pas dënimit. Ata priten të zhvendosen në një objekt në Gjilan në fillim të vitit 2023.

Vitin e kaluar, vendi i BE-së ka miratuar gjithashtu një ligj të diskutueshëm që lejon azilkërkuesit të transferohen jashtë vendit ndërsa kërkesat e tyre janë duke u përpunuar.

“Me këtë marrëveshje, Danimarka po dërgon gjithashtu një sinjal të qartë për të huajt nga vendet e treta që janë dënuar me dëbim: e ardhmja juaj nuk është në Danimarkë, kështu që ju nuk duhet ta kryeni dënimin atje”, tha Haekkerup.

LEXONI GJITHASHTU:

• Danimarka dëbon 15 diplomatë rusë
• Danimarka shteti i parë europian që heq të gjitha kufizimet anti-COVID