DASH thirrje për urën e Ibrit: Rrit rrezikun për dhunë ndaj popullsisë vendase

Departamenti amerikan i Shtetit ka deklaruar se nuk mbështet asnjë ndryshim në statusin aktual të Urës Ibrit në Kosovë.

“Hapja e urës për lëvizjen e automjeteve tani rrit potencialin për dhunë dhe vë në rrezik popullatën vendase si dhe ushtarët e KFOR-it – përfshirë amerikanët – të cilët po punojnë për të mbështetur paqen dhe sigurinë në Kosovë”, raportohet te ketë thënë një zëdhënës i Departamentit të Shtetit për mediat.

DASH i kërkon Qeverisë së Kosovës që të përmbahet nga “veprimet e njëanshme dhe në vend të kësaj ta trajtojë çështjen brenda kornizës së dialogut të lehtësuar nga BE”.

Këtë qëndrim e ka argumentuar edhe ambasadori amerikan në Kosovë, Jeff Hovenier, i cili tha dje se ekziston një rrezik real i lidhur me hapjen e urës në Mitrovicë në këtë kohë, që mund të ndikojë në sigurinë e ushtarëve të NATO-s, përfshirë ata amerikanë.

LEXONI GJITHASHTU:

• Kurti: Do vazhdojmë konsultimet dhe koordinimet me partnerët tanë për urën e Ibrit
• Ura e Ibrit testohet me kamionë, prezentë forca të policisë