Kryeministri Edi Rama ka lënë vendin e tij të zakonshëm në parlament për t’u ulur krah deputetëve të PS-së në seancën maratonë të Kuvendit.
Ai është ulur krah Pandeli Majkos dhe në foton e siguruar nga Euronews Albania shihet duke e përqafuar atë ndërsa Luçiano Boçi mban fjalën e tij në foltore.
Ky i fundit e komentoi largimin e Ramës nga vendi. Sipas deputetit të Partisë Demokratike, Rama u paraqit pas 5 javësh mungesë në Kuvend, por sërish kur u vu përballë akuzave zgjodhi të largohet.
Seanca maratonë e kësaj të enjteje pritet të zgjasë gati 24 orë. Do të zhvillohet mocioni me debat për kryeministrin Edi Rama sa i takon çështjes McGonigal.
Grupi parlamentar i PS-së do të ketë 750 minuta në dispozicion ndërsa PD-ja do të ketë 350 minuta.
LEXONI GJITHASHTU:
- Rama 24-orë përballë opozitës, nis seanca për mocionin me debat me kryeministrin
- Mocioni për “McGonigal”, PD kërkesë Kuvendit: Të ndryshojë radha e diskutantëve