Del formacioni zyrtar, kush janë futbollistët që zbresin në fushë kundër Ukrainës

Federata Shqiptare e Futbollit ka publikuar formacionin zyrtar të Kombëtares për ndeshjen miqësore kundër Ukrainës, e cila do të zhvillohet sot në Spanjë duke nisur prej orës 20:45.

Në krahasim me takimin e fundit kundër Polonisë, lista ka disa ndryshime të rëndësishme ku Bujar Pllana bën debutimin e tij zyrtar me Kombëtaren, ndërsa Broja fillon nga minuta e parë.

Strakosha do të jetë në portë, ndërsa mbrojtja do të përbëhet nga Hysaj, Gjimshiti, Pllana dhe Mitaj.

Në mesfushë do të jenë Shehu, Asllani dhe Laçi, ndërsa në sulm do të luajnë Hoxha, Broja dhe Uzuni.