Del foto e Dritan Rexhepit, si duket i shumëkërkuari që ekstradohet sot nga Turqia

Policia e Shtetit njoftoi këtë të mërkurë se Dritan Rexhepi, i ashtuquajturi “bosi i kokainës”, i arrestuar në Stamboll të Turqisë në nëntor të vitit 2023, do të ekstradohet gjatë ditës së sotme drejt Shqipërisë.

Euronews Albania ka siguruar një foto të re të Dritan Rexhepit, ku duket që ai është thinjur paska krahasuar me fotografitë e mëparshme të shpërndara nga policia dhe Interpol.

Rexhepi, një prej personave më të kërkuar në Shqipëri, po gjykohet në mungesë nga Gjykata e Posaçme pasi akuzohet për porositjen e rrëmbimit të Jan Prengës më 17 janar të vitit 2020. Gjithashtu ka dhe një akuzë për vrasje në Krujë disa vite më parë dhe po ashtu ai është nën hetim për falsifikim dokumentesh në Fier.

LEXONI GJITHASHTU:

• I njohur si bosi i kokainës, Dritan Rexhepi ekstradohet sot nga Turqia
• Prokuroria e Tiranës dorëzon dokumentacionin për ekstradimin e Dritan Rexhepit