Demonstratat në Francë në 15 foto: Kaos në rrugë dhe përleshje me policinë

Reforma e pensioneve në Francë vazhdon të përballet me rezistencë, me protestuesit që vazhdojnë të marshojnë në rrugët e Parisit, Marsejës, Lionit dhe qyteteve të tjera të mëdha franceze pasi qeveria “mbijetoi” dy vota mosbesimi dhe përdori një fuqi të veçantë kushtetuese për të rritur moshën e daljes në pension.

Protestat në të gjithë vendin zgjatën me ditë përpara vendimit të Macron dhe vazhduan edhe pas tij. Punëtorët hynë në grevë, kështu që Parisi praktikisht u “paralizua” për një kohë të shkurtër dhe në momente të caktuara demonstratat u bënë të dhunshme, kështu që pati përplasje me policinë.