Dëmtimi i digës së Kakhovkës shkatërron fshatrat, banorët: Duam ujë për fëmijët

Një luftë e dytë ka nisur në fshatin ukrainas Hrushivka, pas shembjes së digës së Kakhovkës; atë të mbijetesës së tokës dhe të mbjellave tradicionalisht të ujitura nga ujërat e saj. Edhe në fshatra të tjera, fermerët po përballen me pasojat.

 “Ne merrnim ujë nga rezervati i digës. Tani kemi sjellë gjithë këto mjete për ta nxjerrë ujin jashtë. Për shembull, mua më duhen 40 deri në 50 metër kub ujë në ditë për hektar për tokat që kam, ndaj, gjithçka ka të bëjë me teknologjinë. Çfarë duhet të bëj tani?”,- tha Volodymyr Igolnik, fermer:

Por e vërteta është se uji i përdorur për ujitje nuk është problemi i vetëm i shkaktuar nga dëmtimi i digës në këtë fshat me 4 mijë banorë. Ndërsa disa fermerë luftojnë për të hequr ujin, të tjerë hapin gropa për ta konservuar.

 “Ne e dimë që nuk do të ketë ujë, ndaj dhe hapëm një gropë. Krijimi i një tjetër rezervati me ujë të pijshëm do të ishte shumë i shtrenjtë. Por ne duam të rrisim domatet tona, pasi perimet aktualisht janë shumë të shtrenjta. Duam ta kemi për vete dhe fëmijët tanë”,-tha Svetlana Varavina, banore e Hrushivkës:

Autoritetet ukrainase po shpërndajnë ujë të pijshëm në fshatrat e prekur nga dëmtimi i digës. Këtu dhe fshatra të tjerë nuk ka ujë të rrjedhshëm dhe ekziston rreziku serioz për probleme shëndetësore për popullsinë e moshuar.

LEXONI GJITHASHTU:

• Opozita paditi marrëveshjen për Portin e Durrësit, Kushtetuesja merr vendimin
• Berisha reagon për videon erotike të Gjicit: Ky është modeli që ka zgjedhur Rama