Departamenti i Shtetit riemëron Institutin Amerikan të Paqes, shtohet emri i Trump

Emri i presidentit amerikan, Donald Trump i është shtuar ndërtesës së Institutit Amerikan të Paqes (USIP) në Uashington, pasi Departamenti i Shtetit e ndryshoi emrin e organizatës të mërkurën.

Emri i presidentit u shtua me shkronja të mëdha kapitale përpara ceremonisë së nënshkrimit të marrëveshjes së paqes midis Ruandës dhe Republikës Demokratike të Kongos.

Instituti u themelua si një organizatë e pavarur dhe jofitimprurëse, e financuar nga Kongresi, por përpjekjet e administratës së Trump për të ushtruar kontroll duke shkurtuar stafin dhe buxhetet kanë rezultuar në një betejë ligjore midis dy palëve.

Departamenti i Shtetit njoftoi riemërtimin në “Instituti i Paqes Donald J. Trump” në mediat sociale ku thuhej se kjo ishte bërë për të pasqyruar marrëveshje bërësin më të madh në historinë amerikane.

Që kur mori detyrën në janar për mandatin e tij të dytë në Shtëpinë e Bardhë, Trump ka kryer disa riemërtime. Departamenti i Mbrojtjes u riemërua si Departamenti i Luftës. Trump nënshkroi gjithashtu një urdhër për të riemëruar Gjirin e Meksikës si Gjiri i Amerikës dhe për të ndryshuar emrin e Denalit në Mali McKinley.

LEXONI GJITHASHTU:

• Shqipëria dhe Kosova me sytë nga SHBA, nesër hidhet shorti i Kupës së Botës 2026
• Komisioni Evropian e fut Rusinë në listën e zezë për pastrim parash