Komisioni Evropian e fut Rusinë në listën e zezë për pastrim parash

Komisioni Evropian, KE, ka shtuar Rusinë në listën e vendeve të treta me rrezik të lartë për larje parash dhe financim të terrorizmit, njoftoi shërbimi i shtypit i KE-së.

“Komisioni Evropian ka listuar Rusinë si një vend me rrezik të lartë, me mangësi strategjike në kuadret e saj për parandalimin e larjes së parave dhe financimin kundër terrorizmit (AML/CFT)”, thuhet në deklaratë.

Rregullorja do të hyjë në fuqi pasi të shqyrtohet nga Parlamenti Evropian dhe Këshilli i BE-së brenda një muaji.

Në tetor, Anëtarët e Parlamentit Evropian miratuan një rezolutë duke i bërë thirrje Komisionit Evropian dhe Këshillit të BE-së të nisin procedurën për të caktuar Rusinë si një vend të tretë me rrezik të lartë për larje parash dhe financim të terrorizmit, si pjesë e ashpërsimit të sanksioneve ekonomike dhe të tjera ndaj Moskës.

LEXONI GJITHASHTU:

• Ministri i Jashtëm ukrainas: Duam paqe të vërtetë në Ukrainë, jo qetësim
• Gjermania dërgon avionë në Poloni dhe Rumani për të mbrojtur hapësirat ajrore