Deputetët e PD bllokojnë Komisionin e Ligjeve, ndërpritet mbledhja

Pas tensioneve në ambientet e jashtme të Kryesisë së Kuvendit, deputetët e Partisë Demokratike, kanë mundur të hyjnë në godinë, përfshirë dhe disa prej deputetëve të përjashtuar.

Këta të fundit u futën në ambientete e Kuvendit nga dritaret e këtij institucioni.

Pas hyrjes në godinë, tensioni ka kaluar brenda ambienteve të Kruesisë, ku deputetët e opozitës kanë bllokuar punimet e komisionit të ligjeve.

Kryetarja e Komisionit të Ligjeve Klotilda Bushka, deklaroi se në kushtet e tensioneve është e pamundur të vijohet mbledhja.

“Mbledhja për sot është e pamundur të organizohet në këto kushte, ndërpritet mbledhja dhe për vijimin do të njoftoheni”, tha ajo.

Pjesë nga debati:

Dashnor Sula: Turp i zi

Petro Koço: Mos bërtit

Dashnor Sula: Çfarë të mos bëj unë, të bërtas

Petro Koço: Mos e kruaj shumë me mua

Dashnor Sula: Me ty? E kruaj me ty dhe me kë të më dojë qejfi. Turp të kesh, hajdut.

LEXONI GJITHASHTU:

• Berisha deklaratë nga dritarja e Kryesisë: Kjo që po ndodh është e turpshme
• Përplasje mes gardës dhe deputetëve të PD, Noka hyn nga kangjellat në Kryesi
• Deputetët e përjashtuar hyjnë nga dritaret në Kryesinë e Kuvendit