Deputetët më të besuar në PS-PD, Bejko: Emrat e opozitës kanë më shumë vlerësim

Julian Bejko, studiues thotë se kur krahasojmë skalionin e dytë në Partinë Socialiste dhe Partisë Demokratike tregon se tre deputetët e PD kanë marrë më shumë vlerësim se tre ministrat e qeverisë së PS.

“Nëse i krahasojmë të ekipet, ajo që më vjen çudi është fakti se edhe pse janë në pushtet, tre kandidatët e PD kanë marrë më tepër vlerësim”, tha Bejko.

Nga ana tjetër ai shtoi se, tre ministret më të vlerësuarat ndër deputetët e PS kanë dimension teknik dhe opinioni publik po mbështet këta persona dhe jo figura politike.

Kryeredaktori i Gazeta Shqiptare, Erl Murati tha se ka një lodhje të opinionit publik nga politika e ashpër dhe burrërore dhe kjo tregohet nga fakti se në 6 deputetët më të vlerësuar ka vetëm një burrë.

“Tre deputetet e PS janë më të vlerësuarat për shkak të rolit të tyre si ministre. Nëse Braçe është i katërti, atëherë praktikisht është i pari”, tha Murati.

Për Ylli Manjanin fakti që Belinda Balluku edhe pse ka shumë pak karrierë parlamentare është deputetja e dytë me vlerësuar në PS, tregon se ka një profil “agresiv”.

LEXONI GJITHASHTU:

• Qytetarët vlerësojnë Ramën më të pëlqyerin, liderët e opozitës jo
• Udhëheqësit kryesorë të gjithë të pandershëm
• Kush janë 3 deputetët më të besuar të PD-së dhe PS-së?