Deputeti i PDK-së: Serbia, e përgatitur për të destabilizuar veriun e Kosovës

Deputeti i Partisë Demokratikë të Kosovës, Xhavit Haliti thotë se koha e luftës dhe e përplasjeve ka kaluar dhe se 1 muaj është kohë e mjaftueshme për Kosovën dhe Serbinë që të gjejnë një zgjidhje.

Në një intervistë për “Euronews Albania”, Haliti u shpreh se Serbia ka qenë e përgatitur të destabilizojë veriun e Kosovës.

“Ne kemi pasur informacione se Serbia ka me muaj që po përgatitet për të provokuar. Muajin e fundit dihen vendet ku kanë stacionuar armatimet e ndryshme për t’u përplasur dhe për të organizuar një perplasje të madhe mes Kosovës dhe Serbisë. E falenderoj në këtë rast angazhimin e Shteteve të Bashkuara të Amerikës, ambasadorin amerikan dhe Joseph Borrell”, theksoi ai.

Më 31 korrik, serbët në Kosovë vendosën barrikada në rrugët që çojnë në Jarinjë dhe Bërnjak, për shkak të vendimit të qeverisë për targat dhe dokumentet serbe,

Qeveria e Kosovës tha se do të shtyjë zbatimin e vendimeve për lëshimin e dokumenteve për hyrje-dalje për shtetasit e Serbisë që hyjnë në Kosovë dhe atë për ndryshimin e targave serbe, kur të hiqen bllokadat.

LEXONI GJITHASHTU

• ‘Jemi të gatshëm të ndërhyjmë’, KFOR-i reagon për tensionet në Veri
• ‘Sovraniteti i Kosovës mbetet i pacënueshëm’, Begaj telefonon Osmanin
• Kurti: Ndërkombëtarët të dënojnë dhunën e bandave kriminale në Veri