Deputetja konservatore në Mbretërinë e Bashkuar, Alicia Kearns, ka reaguar pas deklaratave të ditës së djeshme të Presidentit të Serbisë, Aleksandër Vuçiç, lidhur me Kosovën.
Përmes një postimi në rrjetin social ‘X’ ajo ka shkruar se pas këtyre deklaratave, qeveria britanike duhet të fokusohet urgjentisht në Ballkan.
Po ashtu, ajo është shprehur se Vuçiç po përdor taktikat e Presidentit të Rusisë, Vladimir Putin, duke shpallur plane për aneksimin e veriut të Kosovës.
“Pas deklaratave të mbrëmshme të Presidentit Vuçiç, Qeveria e Mbretërisë së Bashkuar duhet të fokusohet urgjentisht në Ballkan. Pothuajse një vit nga sulmi i Banjskës ende nuk ka drejtësi, dhe përkundër bashkëpunimit të shtetit serb ende nuk ka sanksione nga BE-ja (vetëm marrëveshje për litium dhe avionë). Vuçiç po thirret në librin e lojërave të Putinit që përcakton planet për aneksimin e veriut të Kosovës. Kosova është shtet sovran. Ballkani duhet të largohet nga botëkuptimet sektare, populli i Kosovës veriore dhe serbët e Kosovës meritojnë më mirë, të mos përdoren si pengje në ambiciet irredentiste”, ka shkruar ajo në ‘X’.
Kujtojmë se të premten Vuçiç kërkoi që në pjesën veriore të Kosovës të kthehet “gjendja e mëparshme” duke kërkuar kthimin e policëve në detyrë, të gjyqtarëve e prokurorëve, pagesat me dinarë, lirimin e “të burgosurve politikë” siç i quajti ai serbët e burgosur për shkak të dhunës në Veri, kur atje ishin vendosur barrikada. Ai po ashtu kërkoi themelimin urgjent të Asociacionit, pa të cilin sipas tij, nuk do të ketë bisedime mes dy vendeve.
Following last night’s statements by President Vučić the UK Govt needs to urgently focus on the Balkans.
Almost a year since the Banjska attack there is still no justice, and despite the complicity of the Serbian state still no sanctions from the EU (only lithium and jet deals).…
— Alicia Kearns MP (@aliciakearns) September 14, 2024
LEXONI GJITHASHTU:
- Fjalimi i Vuçiç, kongresmeni amerikan: Kosova është e pavarur, do jetë në përjetësi
- DASH reagon në lidhje me aktakuzën e ngritur nga Kosova për sulmin në Banjskë
