Detaje të reja nga operacioni antidrogë në Elbasan, 26 persona të arrestuar

Detaje të reja kanë dalë në dritë përsa i përket operacionit antidrogë të organizuar mëngjesin e kësaj të shtune në qytetin e Elbasanit dhe në disa zona të qarkut, përfshirë Prrenjasin dhe Librazhdin.

Sipas burimeve, bëhet me dije se deri tani gjatë operacionit janë arrestuar 26 persona, ndërsa disa të tjerë vijojnë të jenë në kërkim. Sakaq, janë sekuestruar 8 kg kanabis dhe 100 gr kokainë.

Ndërkohë, mësohet se hetimet për këtë operacion kanë nisur në shtator të vitit 2025 dhe është në vijim të operacioneve të mëparshme e Rrjeti dhe Tempulli.

Gjatë operacionit janë përdorur metodat proaktive nga ana e policisë me agjente të infiltruar, si dhe janë dokumentuar me pamje filmike.