Detyrë e çdo individi t’i shërbejë atdheut, flasin pilotët e Forcës Ajrore

Nëntogerët Kristi Bazaj, Ditmar Hoxha dhe Armela Murati janë tre nga 11 pilotët që  do t’i shtohen Forcës Ajrore, pas përfundimit të kursit të përgatitjes së pilotëve ushtarakë helikopteri.

Në një intervistë për Euronews Albania ata thanë se janë të vetëdijshëm për vështirësitë e profesionit, por kjo është ajo që ata kanë zgjedhur për t’i shërbyer atdheut.

“Puna e pilotit është e vështirtë, ka surpriza gjatë gjithë profesionit, por ne nuk trembeni aspak. E kemi marrë me vetëdije këtë detyrë për t’i shërbyer atdheut”, thotë nëntoger Kristi Bazaj.

Për nëntoger Ditmar Hoxha, është detyrë e çdo individi që t’i shërbejë atdheut në çdo fushë, dhe kjo është ajo që ata kanë zgjedhur.

“Nuk më tremb puna, jam shumë e vetëdijshme çfarë më pret, kështu që mezi pres me përgatitjen e  duhur që do marrim”, shprehet nëntogerja Armela Murati.

LEXONI GJITHASHTU:

• Vajza pilote e Forcës Ajrore: S’më tremb puna, jam përgatitur për çdo gjë