Dhuna ndaj grave, protestuesit në Belgjikë kërkojnë më shumë angazhim të policisë

Mijëra protestues në kryeqytetin belg dolën në rrugë të dielën për të demonstruar kundër dhunës ndaj grave.

Afërsisht 8 mijë persona iu bashkuan protestave në Bruksel, sipas platformës Mirabel, e cila përfaqëson dhjetëra organizata të shoqërisë civile.

Balance Ton Bar ishte një nga lëvizjet e shumta protestuese, e krijuar në fillim të këtij viti për të ndihmuar të mbijetuarit e sulmit seksual të tregonin përvojat e tyre në mënyrë anonime, ngjashëm me lëvizjen MeToo.

Maite Meeus, i cili filloi lëvizjen Balance Ton Bar tha se burrat duhet të edukohen më mirë për këtë çështje.

“Ne po presim që burrat të jenë aleatë dhe të marrin një qëndrim proaktiv në këtë luftë,” – u shpreh ai.

Organizata të tjera në mbështetje të vajzave dhe grave, duke përfshirë UFIA thonë se duhet bërë më shumë për të mbështetur dhe dëgjuar viktimat.

“Ne kërkojmë që policia të jetë më mirëkuptuese,” – tha Laura nga UFIA.

“Është çmenduri që të mbijetuarit përdorin llogaritë e aktivistëve në Instagram për të treguar historinë e tyre në vend që të përpiqen për drejtësi të vërtetë dhe të denoncojnë gjithçka që po ndodh,” – shtoi ajo.

Belgjika njoftoi një ditë më parë se po miratonte një plan veprimi kombëtar për luftën kundër dhunës me bazë gjinore. Ai përfshin deri në 200 masa dhe bashkon të gjitha nivelet e qeverisjes.

Laurence Zanchetta, një anëtare e Parlamentit Federal belg theksoi se një pjesë kyçe e kësaj do të jetë trajnimi i policisë për t’u marrë me ankesat dhe pretendimet për dhunë ose sulme seksuale ndaj grave.

“Trajnimi i policëve që do të marrin ankesat është shumë i nevojshëm pasi 70% e ankesave nuk janë ndjekur,” – u shpreh Zanchetta.

LEXONI GJITHASHTU:

• Pandemia uli krimin, por u shtuan rastet e drogës dhe dhuna në familje
• Dhuna ndaj grave, dyfishohen kërkesat për urdhër mbrojtje dhe rriten denoncimet në Vlorë
• Dhuna ndaj grave në Kosovë, aktivistët: Shteti kujdeset më shumë për dhunuesin se për viktimën