Dhunohet në burg një nga personat që abuzoi me 11-vjeçaren

Njëri nga të dyshuarit për dhunimin e 11-vjeçares është sulmuar fizikisht nga të burgosurit në qendrën e paraburgimit në Prishtinë.

Sulmin ndaj 26-vjeçarit Ekrem Rexhepi, e ka konfirmuar për Euronews Albania edhe avokati i tij, Fitim Limani.

‘”Gjendja e tij s’është e mirë, mbrëmë kam marrë informatë prej gjykatës që ai ndodhet në burgun e Sigurisë së Lartë, është transferuar nga Prishtina pasi ka qenë i sulmuar nga të burgosurit e tjerë. Transferimi ka ndodh meqenëse i është rrezikuar edhe jeta, për shkak të sulmeve që ka pasur nga të burgosurit e tjerë, ia kanë ndërruar pra qendrën e paraburgimit” tha avokati Fitim Limani për ENA.

Rexhepit, siç thotë edhe avokati mbrëmë i është ndërruar qendra e paraburgimit, meqenëse jeta e tij është vënë në rrezik.

Megjithatë, sulmin ndaj tij e ka mohuar shërbimi korrektues i Kosovës, por jo edhe transferimin e tij nga qendra e paraburgimit në Prishtinë për në burgun e sigurisë së lartë në Dyz.

5 persona kanë abuzuar seksualisht ndaj një të miture, vetëm 11 vjeçe në Kosovë disa ditë më parë.

4 prej autorëve u vunë menjëherë në pranga, ndërsa mesditën e së martës është arrestuar personi i pestë i përfshirë në ngjarjen makabre.

LEXONI GJITHASHTU:

• 11-vjeçarja në Prishtinë u abuzua për më shumë se 1 vit, thotë ministri Sveçla
• 11-vjeçarja u përdhunua në një park lojërash, detaje nga ngjarja tronditëse