Dhunoi bashkëjetuesen dhe policin gjatë shoqërimit, arrestohet 26-vjeçari

Një person është arrestuar nga policia pasi dhunoi bashkëjetuesen dhe efektivin që shkoi ta shoqëronte.

Në pranga ka rënë edhe bashkëjetuesja dhe babai i tij, të cilët kundërshtuan dhe goditën punonjësit e policisë gjatë shoqërimit të 26-vjeçarit.

Policia bëri me dije se, pas marrjes së njoftimit se në rrugën “Marie Logoreci”, një shtetas po dhunonte bashkëjetuesen e tij, menjëherë kanë shkuar në adresën e dhënë.

Gjatë shoqërimit, shtetasi O. Xh., i cili kishte dhunuar bashkëjetuesen e tij, shtetasen H. D., 23 vjeçe, së bashku me 23-vjeçaren dhe babain e tij, shtetasin E. Xh., kanë kundërshtuar dhe goditur për shkak të detyrës punonjësit e Policisë, për të penguar shoqërimin në Komisariat.

LEXONI GJITHASHTU:

• Arresohet shefi i kartelit më të madh kolumbian, doli nga izolimi për t’u martuar
• Arrestohet 31-vjeçari që transportonte emigrantë të paligjshëm