Di Gregorio në shënjestër kritikash dhe kërcënimesh, periudha më e vështirë te Juventusi

24 Shkurt 2026 | 21:56

Michele Di Gregorio po kalon momentin më të komplikuar që nga transferimi te Juventus në verën e vitit 2024. Portieri bardhezi vjen pas paraqitjeve të pasigurta ndaj Como dhe Inter, me dy gabime që në të dyja rastet u kushtuan epërsinë kundërshtarëve.

Siç ndodh shpesh në raste të tilla, reagimet në rrjetet sociale kanë qenë të ashpra. Pas humbjes ndaj Comos, ish-lojtari i Monza u detyrua të mbyllë komentet në Instagram për shkak të fyerjeve të shumta. Përveç kritikave, ai është përballur edhe me kërcënime që preknin familjen e tij.

Sipas raportimit të Tuttosport, fyerje pati edhe para nisjes së sfidës me Comon. Gjatë nxehjes, disa tifozë thuhet se e ofenduan me thirrje si “bir i një budallai” apo “Interist”, duke iu referuar të kaluarës së tij në akademinë e zikaltërve.

Megjithatë, pavarësisht gabimeve individuale, situata duket se ka kaluar çdo kufi, teksa Di Gregorio nuk konsiderohet shkaktari kryesor i ecurisë së dobët të Juventusit. Në mbështetje të tij ka dalë edhe trajneri Luciano Spalletti, ndërsa nuk përjashtohet mundësia që portieri të pushojë në sfidën e radhës ndaj Galatasaray, për t’i dhënë hapësirë një rikuperimi psikologjik dhe fizik.

Home Kryefaqja
Shiko në: YouTube
Lajme të Sugjeruara

Me cilat sporte të reja do të paraqitet Kosova në Lojërat Mesdhetare “Prishtina 2030”?

Lojërat Mesdhetare “Prishtina 2030”, po shihen si një mundësi historike për Kosovën që të prezantohet jo vetëm si organizatore, por edhe si pretendente për rezultate...
15:45 | 29/06/2026

Gara U18 Gran Canaria 2026, xhudisti nga Kosova mposht në Spanjë xhudistin serb (VIDEO)

Xhudisti i ri nga Kosova, Jon Kuka ka mposhtur këtë të hënë xhudistin nga Serbia, Petar Markoviç, në garat U18 Gran Canaria 2026. Federata e...
15:25 | 29/06/2026

Skandali i Kepit të Gjelbër, kapiteni i kombëtares së futbollit akuzohet për përdhunimin e përkthyeses braziliane

Kapiteni i Kepit të Gjelbër Ryan Mendes, është akuzuar për përdhunimin e një gruaje braziliane, e cila ishte punësuar si përkthyese gjatë një udhëtimi të ekipit kombëtar të futbollit në Zelandën...
10:36 | 29/06/2026