Diamanti i rrallë rozë del në ankand, çmimi i pritshëm 35 milionë dollarë 

Një diamant rozë me “ngjyrë dhe shkëlqim të pakrahasueshëm” pritet të arrijë më shumë se 35 milionë dollarë kur të dalë në shitje në Nju Jork, njoftoi të mërkurën shtëpia e ankandeve Sotheby.

10,57 karat dhe i quajtur The Eternal Pink, guri i çmuar i rrallë do të dalë në ankand publik këtë qershor, katër vjet pasi kompania e Afrikës së Jugut De Beers e zbuloi atë në një nga minierat e saj në Botsvana, raporton CNN.

E klasifikuar zyrtarisht si një ngjyrë “vjollcë-rozë”, është diamanti më i vlefshëm i asaj nuance që është shfaqur ndonjëherë në ankand, sipas Sotheby’s. Kreu i shtëpisë së ankandeve të bizhuterive për Amerikat, Quigg Berning, tha në një deklaratë se guri “i bashkohet radhëve të diamantëve më të rëndësishëm në histori”.

Çmimi i diamanteve përcaktohet kryesisht nga ajo që gjeologët i quajnë katër “C” – karat, prerje, ngjyra dhe qartësi.

LEXONI GJITHASHTU:

• Papa Françesku në Kongo: Diamantet tuaja janë njollosur nga “helmi i lakmisë”
• Gjenevë| Diamanti rozë del në ankand