Digjet sërish Kurani në Suedi, ngjarja para samitit të NATO-s në sytë e policisë

Pamjet e djegies së Kuranit në sytë e gjithë botës islamike ka turpëruar qeverinë suedeze pak ditë përpara samitit të NATO-s, që do të diskutojë aksesin e vendit në Aleancë.

Një person me origjinë irakiane ka djegur një kopje të librit të shenjtë përpara xhamisë së madhe të Stokholmit. Ai ishte autorizuar ta bënte këtë nga policia, njësoj si në rastin e një ekstremisti danez janarin e kaluar.

Eventi, që u zhvillua në sytë e oficerëve të shumtë policorë, u ndoq nga rreth 200 persona që nuk aprovuan atë që panë.

“Nuk duhet t’i tolerojmë këto gjëra, duhet t’u themi mjaft. Nuk është mirë të poshtërosh të tjerët”, tha një grua.

Turqia që ka vendosur veton ndaj hyrjes së Suedisë në NATO, për shkak të pritjes së militantëve të organizatave kurdë, e ka kritikuar ashpër atë që ndodhi dhe ka lënë të kuptohet se nuk ka ndërmend të heqë veton.

LEXONI GJITHASHTU:

• Gjendet në Shqipëri Kurani më i vogël në botë, mediat botërore jehonë lajmit
• Me përmasat e një pulle poste/ Zbulohet në Shqipëri Kurani më i vogël në botë