Aktorja dhe modelja e njohur amerikane Raquel Welch ka ndërruar jetë këtë të enjte në moshën 82-vjeçare.
Ylli i kinematografisë ndërroi jetë në mënyrë paqësore të mërkurën në mëngjes pas një sëmundjeje të rëndë, bëri me dije menaxheri i saj.
Ëelch u bë një seks simbol ndërkombëtarë në vitet 1960, e njohur gjerësisht për rolin e një gruaje shpellash të veshur me bikini në filmin e vitit 1966 “Një milion vite para Krishtit”.
Ajo gjithashtu fitoi një Golden Globe për rolin e saj në filmin e vitit 1974 “Tre Muskutjerët”
E lindur Jo-Raquel Tejada në vitin 1940, Welch u rrit në Kaliforni, ku fitoi konkurset e bukurisë adoleshente dhe më vonë u bë një parashikuese lokale e motit.
Gjatë një qëndrimi të shkurtër në Dallas, Teksas, nëna e divorcuar e dy fëmijëve modeloi për dyqanin e veshjeve Neiman Marcus dhe punoi si kamariere në një bar.
Suksesi i saj i madh erdhi në vitin 1964 menjëherë pasi u kthye në Kaliforni, ku mori pjesë në një muzikal të këngëtarit Elvis Presley.
LEXO GJITHASHTU:
- E cilësuar si më e bukura në histori, ndahet nga jeta aktorja legjendare italiane
- Shuhet në moshën 64-vjeçare aktorja e njohur amerikane
