Disa mbushin pishinat, të tjerë lahen me tenxhere

Thatësirat historike që goditën Francën, Italinë, Britaninë e Madhe dhe vende të tjera evropiane, përveç zjarreve shkaktuan edhe probleme me furnizimin me ujë.

Më shumë se 100 komuna në Francë mbetën pa ujë, për këtë arsye qeveria e këtij vendi formoi një ekip krize, ndërsa ministri holandez i Infrastrukturës Mark Habers u bën apel qytetarëve që të bëjnë dush më shpejt dhe të mos shpërdorojnë ujin për ujitjen e kopshtit dhe larjen e makinave.

Probleme të tilla qytetarëve të Serbisë nuk u kanë shpëtuar prej vitesh dhe ekspertët paralajmërojnë se çdo vit i ardhshëm do të sjellë temperatura më të larta dhe thatësira të reja.

Në muajt e verës banorët e Ledinës mund të përdorin ujin vetëm gjatë natës. Për shkak të presionit të ulët, qytetarët e kësaj pjese të Beogradit duhet të blejnë ujë në ditët më të nxehta.

Problem me ujin kanë edhe banorët e Mlladenovcit, Topolës, rrethit Zlatibor, Perutinës afër Nishit dhe pjesëve të tjera të Serbisë. Arsyet janë të ndryshme në çdo vend, por kryesisht ato janë një kombinim i dy faktorëve: furnizimi i dobët me ujë dhe thatësira.

Për t’u marrë me këtë, është thelbësore që Serbia të investojë më shumë në burimet ujore, sipas Zoran Stevanoviq, profesor i Fakultetit të Minierave dhe Gjeologjisë.

LEXONI GJITHASHTU:

• Masa për thatësirat, dushe më të shkurtra dhe makina të palara në Holandë