Distancimi social në art i parë nga perspektiva e një fotografi gjerman

Të ruash distancën sociale në një flluskë: kjo ishte ajo që bënë kërcimtarët e Baletit të Shtutgartit, të cilët të veshur në kostume klasike kërcyen brenda një flluske PVC për artistin gjerman Florian Mehnert.

Projekti më i fundit fotografik i artistit quhet ‘Pirgje distancash sociale’, dhe në mënyrë që ta realizonte aktivizoi kërcimtarë, muzikantë dhe aktorë në flluska të mbushura me ajër, në mënyrë që të tregonte ndikimin e distancimit social gjatë pandemisë.

Sfida e vërtetë për projektin ishte që të fotografonte në flluska të veçanta Orkestrën Filharmonike të Shtutgartit, që për artistin ishte një nga përpjekjet më të vështira  logjistike sepse flluskat duheshin mbushur me ajër në të njëjtën kohë, por rezultati ishte një fotografi e mrekullueshme.