Dita botërore e muzikës, i ftuar në teatrin “Skampa” tenori Kastriot Tusha

Me muzikë të mirë e “dashni”, Dita Botërore e Muzikës  u kremtua edhe në teatrin “Skampa” në Elbasan.

Kjo ditë sipas organizatorëve bëhet tribunë e talenteve të rinj, që tashmë zotërojnë vlerësime kombëtare e ndërkombëtare.

“Janë pjesëmarrës në evente edhe Evropiane edhe ky fakt ne na gëzon jashtëzakonisht sepse nesër pasnesër ata do te jenë e ardhmja e skenës së qytetit tonë. Ishte një arritje modeste, mund të bëjmë edhe me tepër, por varet nga faktorë të ndryshëm, por jemi të kënaqur sepse bëmë një spektakël të arrirë”,-tja Klement Marku, drejtori artistik

“Dita botërore e muzikës ka shumë kritere, duhet të jetë hyrja e lirë, marrin pjesë artistë amatorë profesionistë, të gjithë grupmoshat dhe të bëhet gjatë gjithë muajit. Ne sot menduam ta bënin me artistet e rinj me të ftuar të madhin Kastriot Tusha”,-tha Zeqir Sulkuqi, dirigjent.

I ftuar special në këtë koncert ishte tenori Kastriot Tusha, i cili si çdo herë tjetër pritet magjishëm jo vetëm nga publiku Elbasanas, por edhe nga talentet e rinj. Ndërsa këta të fundit shprehen të emocionuar të performojnë me këto emra të mëdhenj në skenë.

 “Atmosfere e bukur, mbas këtij koncerti mbas kësaj mbrëmje të mrekullueshme, sidomos kulminacioni për të promovuar këto talente të mrekullueshëm që gjithmonë po i dalin Elbasanit. Gjithmonë duke pasur një mbështetje nga pedagogët e tyre, kështu që i falënderoj me gjithë shpirt ata që e bene të mundur mbështetjen e këtij eventi”,-tha Kastriot Tusha.

“Çdo herë që ngjitem në këtë skenë ka një emocion ndryshe. Sidomos kur performoj me orkestrën e mrekullueshme dhe një publik të mrekullueshëm, ishte një emocion i veçantë”

Ky koncert, është dhe një kujtesë e respekt për të gjithë mësuesit, që kanë dhënë prej shumë dekadash, një kontribut e përkushtim të ndjeshëm, në edukimin e formimin e muzikantëve tanë të rinj. Koncerti u realizua gjithashtu në memorie të artisteve Astrit Lopari, Riza Zdrava, Violeta Sulkuqi.

LEXONI GJITHASHTU:

• Piktori pensionist në Berat, Klement Mbrica pas 38 vitesh vijon të bëjë art
• “100 vite muzikë klasike”, instrumentistët zgjojnë emocionet e të apasionuarve