Piktori pensionist në Berat, Klement Mbrica pas 38 vitesh vijon të bëjë art

Edhe pse ka dalë në pension, Klement Mbrica vijon të ushtrojë profesionin e tij të piktorit në qytetin e Beratit.

Dashuria që ai ka për artin dhe veçanërisht për pikturën nuk e ka ndaluar që edhe pas daljes në pension Klementi të vazhdoj të hedh në telajo rrugicat  kalldremta të kalasë apo çatitë një mbi një të Mangalemit, 38 vite punë si mësues pikture në liceun e beratit e kthyen atë në një nga piktorët ikonikë dhe të dashur të qytetit të Beratit, e ndërsa sot pas daljes së tij në pension Klementin e gjenë çdo ditë në shkallët e banesës së tij në lagjen Kala të improvizuar ne galeri arti duke pikturuar vepra të cilat më pas ja u shet turistëve të huaj

 “Unë quhem Klement Mbrica banorë i lagjes Kala dhe me profesion piktor. Kam mbaruar në tiranë Liceun Jordan Misja shkollën e mesme pastaj kam bere Akademinë e Arteve, kam mbaruar në 85 universitetin, dhe kam punuar si mësues pikture në liceun e Beratit 38 vite”,-tha piktori.

Edhe pse interesi nga turistët është i larte dhe përfitimet monetare nga pikturat që ai shet nuk i mungojnë , Klementi pohon se e bënë këtë punë për pasion

 “Unë më shumë e kam për pasion sesa përfitim, diçka nxjerr  kam leverdi ekonomike por kam dhe pasionin brenda që më shtynë” 

“Kanë goxha interes turistët, suveniere kujtime nga berate kanë goxha interes, edhe unë kam shitur , kam filluar sezonin që në prill dhe deri nga tetori unë vazhdoj punoj. Ka shumë lëvizje turistësh, e gjitha Kalaja është mbushur me bujtina  ristorante, por të kësaj natyre jam vetëm unë”,-tha Mbrica.

Numri i larte i turistëve që kërkojë të blejnë vizatimet tij bëjnë që Klementi të rrijë me orë të tera në shkallet e banesës së tij duke vizatuar,

“Vizatimet kryesisht janë me penë dhe rreth tre orë do një vizatim të bëhet, me një penë të hollë 0.5 do një tre orësh”

 Rrugicat e kalldremta të kalasë mijëra vjeçare  janë kthyer në  muzën e piktorit ku pothuajse çdo vizatim i tij do lidhet ngushtësisht me historinë dhe arkitekturën e Beratit.

LEXONI GJITHASHTU:

• Shpëtohet shtëpia e Monroe, shpallet monument kulturor historik në Los Anxhelos
• Burrat shqiptarë e duan kulturën, pjesëmarrës në aktivitete 31.3% më shumë se gratë