Dita e Tokës në Hungari, Budapesti mbushet me çiklistë për një qytet më ekologjik

Rreth 15 mijë çiklistë mbushën rrugët e Budapestit me rastin e Ditës së Tokës. Në të gjithë qytetin dëgjoheshin tingujt e zileve dhe marsheve që ndërroheshin.

Marshimi u nis nga ambasadori holandez në Sheshin e Heronjve dhe më pas përshkoi gjithë rrugën përgjatë Danubit, deri tek Ishulli Margaret.

Pjesëmarrësit në event u shprehën se donin një qytet më të gjelbër dhe më miqësor ndaj biçikletave.

“Sigurisht që dua më shumë akse për biçikletat, por edhe drejtuesit e mjeteve duhet të shkojnë diku”, thotw njw qytetar.

Rrugët e Budapestit janë projektuar kryesisht për makinat dhe për dekada me radhë çiklistët kanë hasur vështirësi në qarkullim.

Por mentaliteti ka ndryshuar, sidomos nën drejtimin e kryebashkiakut të ri, një konservator që ka projektuar rrjetin e akseve të biçikletave.

Dita e Tokës është vetëm fillimi. Nga sot, çdo fundjavë deri në fund të verës, gjithë rruga përgjatë Danubit do t’u kthehet këmbësorëve, çiklistëve dhe familjarëve.

LEXONI GJITHASHTU:

• Rrjedhja e dokumenteve sekrete amerikane zbulon “tradhtinë” e Hungarisë ndaj Putin
• Hungaria largohet nga banka nën kontrollin rus