Dita Kombëtare e Katalonjës mblodhi 150 mijë separatistë në Barcelonë 

Rreth 150 mijë separatistë katalanas u mblodhën në Barcelonë në festën më të madhe katalane – Ditën Kombëtare të Katalonjës.

Asambleja Kombëtare Katalanase (ANC), grupi qytetar që organizoi marshimin, kundërshton me forcë bisedimet e qeverisë katalanase me qeverinë qendrore të Spanjës në Madrid.

Kjo organizatë me ndikim deklaron se ka humbur besimin tek partitë politike dhe është e gatshme të ecë përpara pa to, drejt një përpjekjeje të re për t’u shkëputur me Spanjën.

Kjo bëri që presidenti rajonal i Katalonjës, Pere Aragones, të bëhej presidenti i parë katalanas që nuk mori pjesë në marshimin vjetor të secesionistëve.

Dolors Feliu, presidentja e ANC, i tha AP se ajo shpreson se tubimi i të dielës do të shërbejë si një thirrje zgjimi për Aragonin për t’i dhënë fund negociatave me qeverinë qendrore.

Policia në Barcelonë tha se 150 mijë njerëz morën pjesë në tubim.

LEXONI GJITHASHTU:

• Kosova s’është Katalonja, Kurti: Spanja nuk duhet të krahasohet me Serbinë