Ditëlindja përfundoi në tragjedi, italianët që vdiqën në Ksamil ktheheshin nga festa

Dy turistë italianë, Domenico Gritto, 24 vjeç dhe Vincenzo Tizzano, 32 vjeç, me origjinë nga Pozzuoli i Italisë humbën jetën sot në një aksident rrugor në Ksamil.

Lajmin e ka bërë të ditur policia lokale përmes një deklarate.

Rreth orës 3 të mëngjesit, dy italianët po ktheheshin në Sarandë me një motor kur një makinë Mercedes Benz, e drejtuar nga një adoleshent pa patentë iu preu papritmas rrugën.

Përplasja rezultoi fatale për dy italianët, ndërsa shoferi i makinës dhe një bashkëmoshatar që ishte pasagjer, përfunduan në spital.

Sipas informacioneve paraprake Gritto dhe Tizzano po ktheheshin nga një klub pasi festonin ditëlindjen e këtij të fundit. Më pas ndodhi aksidenti.

Dinamika e saktë e aksidentit po hetohet nga policia lokale e cila ka kryer konstatimet në vend. 17-vjeçari u ndalua për shkelje të qarkullimit rrugor me pasojë vdekjen e disa personave (nuk kishte leje drejtimi duke qenë i mitur) dhe për drejtim të parregullt të mjetit. Ai së shpejti do të merret në pyetje.

Në pamjet e publikuara në TikTok shihen dhe pamjet nga festa e ditëlindjes që përfundoi me një tragjedi.

LEXONI GJITHASHTU:

• Aksident i rëndë në Sarandë-Ksamil/ Vdesin 2 turistët italianë, plagosen 2 shqiptarë
• U futën në përrua për të shpëtuar qenin, gjenden të vdekura dy mikeshat italiane