Djegia e 8 autobusëve në Durrës, policia: Shkak i zjarrit, shkëndija elektrike në njërin prej tyre 

Policia e Durrësit ka dhënë detaje mbi ngjarjen e ndodhur një ditë më parë, ku si pasojë e një zjarri të rënë në parkun e autobusëve u dogjën 8 autobusë që ndodheshin jashtë funksionit.

Përmes një njoftimi për mediat policia bën me dije se ngjarja dyshohet aksidentale si pasojë e shkëndije elektrike në baterinë e njërit prej autobusëve.

“Në vijim të informacionit të dhënë ditën e djeshme, lidhur me zjarrin në parkun e autobusëve, ku u dogjën 8 autobusë që ndodheshin jashtë funksionit, informojmë se specialistët për Hetimin e Krimeve të Komisariatit të Policisë Durrës referuan materialet në Prokurori si ngjarje aksidentale, pasi nga veprimet e para hetimore dyshohet se zjarri është shkaktuar nga një shkëndijë elektrike në baterinë e njërit prej autobusëve”, bëri me dije policia.