Djegia e Kuranit/ Kryeministri suedez i shqetësuar për djegien e librit të shenjtë

Djegia e Kuranit në Suedi ka nxitur protesta në këtë shtet, por edhe në vende të tjera të botës. Qeveria Suedeze akuzon Moskën se po nxit deziformim.

Suedia vazhdon të përballet nga një ana me grupe ekstremiste qe si mjet reagimi kane djegien e librit të shenjtë të besimtarëve mysliman Kuranit. Zemërim në rritje po sjell protesta dhe akte dhune ne vende te ndryshme te botes kundër ambasadave suedeze.

Përveç ekstremistëve Suedia fajëson Moskën se  fshihet edhe  pas një fushate dezinformuese anti-suedeze

 Kryeministri i Suedisë, Ulf Kristersson, ka thënë të enjten se ndihet “shumë i shqetësuar” për djegiet e Kuranit në shtetin skandinav.

Është njoftuar se një varg protestash do të mbahen javën e ardhshme, të cilat mund të digjet libri i shenjtë i myslimanëve, ka thënë lideri i Partisë së Moderuar në një konferencë për media në Stokholm më 27 korrik.

Kristersson tha se tani i takon policisë të vendosë nëse protestat duhet të lejohen të mbahen apo jo.

Qeveria do t’i angazhojë 15 agjenci për forcimin e masave mbrojtëse kundër terrorizmit, njoftoi ai. Aksionet islamofobike të grupeve të vogla në Suedi dhe në Danimarkë, në të cilat u dogjën kopje të Kuranit, kanë nxitur protesta të ashpra dhe kërcënime në disa vende myslimane. Reagimet në Irak, qeveria e të cilit e përzuri ambasadorin suedez, ishin në veçanti të dhunshme.

Të mërkurën, Shërbimi i Inteligjencës i Suedisë, paralajmëroi se djegia e Kuranit së fundmi ka krijuar rrezik të madh të siguruar në Suedi. Në një konferencë për media të enjten, shefja e  shërbimit inteligjent, theksoi se shkalla e paralajmërimit të terrorit nuk është ngritur ende, por shtoi se vendi ka kaluar nga një cak “i arsyeshëm” në një “prioritet” në sytë e ekstremistëve islamikë.

LEXONI GJITHASHTU:

• Largimet nga PS? Qafoku: Rama e do të pastër partinë, larg SPAK-ut
• Brazili hedh poshtë kërkesën e SHBA-së për ekstradimin e spiunit rus